موضوع جاد للنقاش ارجو الرد بسرعة

[right][justify]
السلام عليكم ورحمة الله وبركاته

موضوع ليس بالهين او السهل رغم توجيه الكثير من النقد اليه

السؤال ليس للانسات فقط السؤال ايضا للشباب

لقد تعرض اعلامنا اكثر من مرة لموضوع تعدد الزوجات واظهر فيه الكثير من السلبيات

ولكن تغافل الاعلام عن ايجابيات تعدد الزوجات

دعونا نفكر بعقلانية اكثر ولندع التعصب

ما رايك فى تعدد الزوجات؟؟؟؟

من فضلكم ارسلو الردود ولنتناقش فى هذا الموضوع الذى حوله الجدل الكثير
انا شخصيا لا اعرف لماذا ترفض المراه ذلك مع ان ذلك فى مصلحتها ومصلحة زوجها

الموضوع للنقاش الجاد وارجو الرد السريع

سلام

بصراحة انا لا اؤيد تعدد الزوجات لاسباب تافهه ومن اهمهم هو ان الراجل عايز واحدة واتنين وتلاته
انا شخصيا لا يمكن اقبل ان زوجى وخاصة لو بحبه انه يتجوز عليا واحدة غيرى
مش هاقبل انه يتجوز عليا الا فى حالتين الاولى انى لو مبخلفش لانى هاتمنى انى مظلموش معايا
والتانى انى ما اقدرش اسعده ولو هى هتقدر انا ممكن اقبل لانى اتمناه السعادة من كل قلبى
بس بصراحة برده لو هو بيحبنى مااعتقدش انه من السببين دول ممكن يسيبنى وخاصة الاول

موضوع: السلام عليكم الجمعة يونيو 12, 2009 3:27 am

السلام عليكم
اولا شكرا ياسمسم ع مرورك
ثانيا احب اوضح نقطه مهمة جدا
الاصل فى الزواج التعدد اما الافراد فقد انتشر فى الاونة الاخيرة فقط
ثالثا تعدد الزوجات اصبح مهما جدا وذلك لزيادة معدلات المراة بالنسبة للرجل والنسبه تقريبا 4:1
فان لم يتم التعدد ستزيد نسبة العنوسة مما له اكبر الاثر ع الفرد والمجتمع
ولعلك لاحظت ذلك فى الاوقات الاخيرة
شكرا ع ردك
سلام

هو أنا عندى سؤال بس ليك
هو انا المطلوب منى و انا بتجوز انى أفكر ف المجتمع و باقي الناس يعني ؟
يعني النسبه دى انا شايف ان كل واحد مش شرط انه يتجوز أكتر من مرة
و كمان هى مش فكرة سهلة كده
و كمان مش كله هيبقي زى الرسول يعني
و كمان لو كان مين مش هيقدر يعدل بينهم
يعني أنا شايف انها مسألة مش سهلة أوى كده
و رأيى انها مش أووى يعني بالذات اليومين دول
و شكرا لطرحك الموضوع ده
و تقبل رأيي
سلاموز أنا

السلام عليكم والرحمه
بصراحه الموضوع ده بالنسبه للبنات او النساء عامه
حاجه كده زى ما تكون بتقولهم يلا انا هقتلكم بالبطئ
لانها بجد حاجه مش سهله ع الست
الا للسببين اللى قلتلهم سمسم وده بعد ما تكون الست برده مجروحه من جواها لابعد حد
لانها مش سهل عليها اكيد انها تشوف حبيب عمرها وشريك حياتها فى ايد واحده تانيه
ع فكرة بالنسبه للستات حاجه صعبه جدا واتحدى اى ولد انه يحس بيها
بس لما تيجى تفكر شويه كده
هتلاقيها زى ما ايمورتال قال
صعب جدا انك تعدل بينهم وخصوصا لو الاولى بتحبك هتلاقي الدلع كله بيظهر لك دلوقتى
بالنسبه ليا انا لو فى سبب من الاتنين اللى قالتهم سمسم ممكن اجى ع نفسى
لكن لو مفيش وده دلع منه هو يعنى
يبقى هو وهى هيتقتلوا
ههههههههههههههههههههههههههه(وش شرير )
اسفه ع الاطاله
وميرسى ع الموضوع
سلااااام
طائر الجنه

[right]السلام عليكم ورحمة الله وبركاته
رايكوا مقنع جدا ويحترم
بس السؤال هنا للبنات
تخيلى ان انتى دلوقتى زوجة وعندك اولاد وجه جوزك قالك انا عايز اجوز عليكى (اظن حقه الشرعى)
ومع ذلك ضمن ليكى العدل وعدم التفرقة واما كده واما الانفصال هيكون خيارك ايه؟؟؟؟؟؟؟؟؟؟

عموما الخلاف فى الراى لا يفسد للود قضية

سلاااااااام

السلام عليكم
بص يا سواردس بالنسبه للسؤال بتاعك
والله لما ياجي ويقولي كدة اكيد مش هصوت
واعيط واقوله طلقني ولا كمان هقوله دي حياتك وانت حر
لا طبعا اول حاجه لازم اعرف هو عايز يتجوز ليه
ولا هو هيتجوز رخامه وخلاص يعني
ولما ابقى اعرف السبب بقى اشوف
والله لو سبب مقنع اوك من حقه ومعنديش اعتراض
لكن لو هيتجوزها فراغة عين وخلاص لا فانا
من حقي اعترض وارفض ما دمت انا مش مقصرة
في حقوقه يبقى انا كمان من حقي انه ميتجوزش عليا
وبعدين فين دلوقتي الامكانيات الي تسمح لاي راجل
انه يتجوز واحدة واتنين وتقولي هيعدل ده كله كلام
وده رائي وكل واحد حر في رائيه
ســـــــــــــــــــــــــــــلام

موضوع: رد الجمعة يونيو 12, 2009 11:46 am

السلام عليكم ورحمة الله وبركاته
اولا شكرا لتفاعلك يا ادمين
ثانيا احب اقولك ان مفيش انسان كامل وحضرتك ممكن تعرفى ازاى انك مش مقصرة فى حقه
ثالثا نفترض انه عاوز يتجوز فراغة عين وخلاص اقولك هو اى شئ اطهر ليه واحب ليكى انه يتجوز ولا يخون
رابعا ده حق اعطاه الله له ليه حضرتك تمنعيه منه طالما التزم بالعدل
خامسا العدل مش فقط فى الامكانيات العدل كمان لازم يكون فى الحب والموده وانا قلت هيلتزم بالعدل فى كل حاجة
سادسا انا اعرف قصه حقيقية لانسان عنده الامكانيات اللى تسمح له بكده
سابعا مين قال لك انه من حقك انه مايتجوزش عليكى (برده طالما عدل)
ارجو تكون وجهة نظرى وصلت
سلام

السلام عليكم
طبعا انا مش معارضة خالص
بس على الاقل يكون في اسباب
على الاقل علشان اعرف السبب مش يمكن
يكون السبب فيا وانا اقدر اغيرة
وبعدين يعني ماهو لو بيحب عليا يبقى مفيش مانع
ما يتجوزها على الاقل افضل من الخيانه
زي مانت قولت ومادام هيعدل اوك يبقى خلاص
انا مش هحرم شئ ربنا حلله
بس انا بقول اعرف السبب مش ديكتاتوريه وخلاص

السلام عليكم

اولا بشكرك على الموضوع الجميل ده
وانا فاهمت قصدك بس الحاله ديه ندره يعنى انيك تلاقى انسان كده
وكمان الحاله ديه مش منتشره خالص يعنى على حد علمى لان الايام ديه الشاب بالعفيه بيتجوز ولما بيتجوز بيشكر ربنا على نعمه الجواز وان ربنا كرمه بوحده بيحبها وبتحبه والحمد الله على كده
وقليل او ندرين اللى ممكن يعمل كده الايام ديه من الشباب ومظنش انه هيعرف يعدل بنهوم فى لاايام ديه ده من وجهة نظرى
ولو هتكلم على الناس الكبيره برده مش دلوقتى لان المشاكل والحاله الصعبه اللى كلنا عيششنها دلوقتى مش تشجع على الجواز حتى
ده وجهة نظرى ايوه ربنا محلل للراجل اربعه بس ده فى حاله انها فيها لقدر الله عبي او لوقدر الله معندهاش قدره على الانجاب
فى هذيه الحاله ربنا اتاح للراجل الجواز ده اللى انا اعرفه وغالبا القصه اللى انت تعرفها اللى هى حقيقيه يعنى غالبنا و100*100
ا انه مطر لسبب ما يعنى مستحسل تكون واحد كامله وطبعا مفيش حد كامل ويروح يتجوز تانى يعنى
اسف على الاطاله وارجو رأى يتفهم ويتقبل وميرسى تانى على موضوعك

سلااااااااااااااااااام

حريشى
مبرمج فاشل
Cool

[center]السلام عليكم ورحمة الله وبركاته
شكرا جدا لتفاعلكم مع الموضوع بس ارجو ان حدة النقاش متخدش جانب الكره او تفتكروا يعنى انى معقد او غريباوكده يعنى.........
بس احب اوضح نقط معينة عشان الامور متخطلتش فى دماغكو
انا ماقصدش ان حكاية التعدد دى تكون اتجاه عام يعنى كل واحد يتجوز ع مراته
انا بس بقول ايه المانع لو الراجل لقى انه محتاج زوجة تانية تكمل الاولى مش تحل مكانها ولقى انه اكيد هيعدل بينهم ويقدر ع مصاريفهم ايه المانع انه يتجوز ؟؟؟؟؟؟؟؟؟ وليه مجتمعنا بينتقده او تحصل مشاكسات بينه وبين زوجته
انا مش قصدى ان الراجل يكون زير نساء مثلا بس ايه المانع ؟؟؟؟؟؟؟؟؟
انا شايف ان لو كل الناس فكرت كده ده هيحل مشاكل كتيره منها العنوسة او الزنا وغيرها
وبأكد تانى مش عاوزين نحكم عواطفنا اكتر من كده
وياريت متكونش وجهة نظرى تقيله ع الناس
وياريت مكونش اتكرهت بالنسبه للبنات
ان شاء الله ربنا يرزقكن بالزوج الصالح لو مش متجوزه ويبارك فى جوزها لو متجوزه
ع فكره ياhorashy انت اكتر واحد فهمتنى وانا بدات احبك

السلام عليكم

ميرسى SWORD OF ALLAH
على ردك الجميل

سلااااااااااااام

حريشى

» موضوع تانى جاد وللنقاش ارجو الرد بسرعة
» فتاة مختلفة ارجو الرد
» فتاة متبرجة ...وفتاة محجبة ..موضوع ساخن للنقاش
» الحب : انهى الجمل اللى تعجبك فى وصف الحب ,ارجو الرد
» ملك أو ملكة جمال المنتدى ... أدخلوا بسرعة